لندن:(کنزیو مر واچ نیوز)سکھوں نے انوکھا احتجاج کرتے ہوئے نریندر مودی کی تصویر کو سڑکوں پر گھسیٹا اور اس پر جوتے بھی مارے۔
پہلگام فالس فلیگ کے بعد بھارت میں اقلیتوں خصوصاً مسلمانوں اور سکھوں کے خلاف اقدامات کے ساتھ ساتھ خطے کا امن خراب کرنے کی بھارتی کوششوں کے خلاف دنیا بھر میں تنقید کی جا رہی ہے۔مودی سرکار نے بھارت اور مقبوضہ کشمیر میں مخالفین کا جینا اجیرن کردیا ہے اور سیاسی مقاصد کے حصول کے لیے روایتی ہٹ دھرمی کے ساتھ متنازع اقدامات کا سلسلہ بھی جاری رکھا ہوا ہے۔
Blog
-
مظاہرے میں نریندر مودی کی تصویر پر جوتے مارے گئے
-
اس بار بھارت کیلئے چائےکےساتھ سموسوں کا بھی انتظام ہوگا ‘ گلوکار وارث بیگ
لاہور ( کنزیومر واچ نیوز ) مقبوضہ کشمیرمیں ہوئے پہلگام واقعے کے بعد بھارت کی گیدڑ بھپکیوں پر پوری قوم ہم آواز ہے۔حال ہی میں گلوکار وارث بیگ نے بھی اپنے بیان سے مودی سرکار کو ابھی نندن واقعے کی یاد تازہ کروادی۔ نجی نیوز ٹی وی چینل کو دیے گئے بیان میں گلوکار وارث بیگ کا کہنا تھا کہ ’ بھارتی فضائیہ کا پائلٹ ونگ کمانڈر ابھی نندن جب بارڈر کراس کرکے پاکستان آیا تھا تو ہم نے اُن کو چائے پلائی تھی ، ایک ایسی چائے جس کا ذکر انہوں نے بھارت جاکر بھی کیا تھا‘۔و ارث بیگ نے کہا کہ’ اگر اس بار بھارت نے پاکستانی سرحد پار کرنے کی کوشش کی یا پھر جو پانی پر دہشتگردی کی جارہی ہے تو اس بار بھارت جان لے اس کیلئے چائے کے ساتھ پکوڑے اور پٹاخہ سموسوں کا بھی انتظام ہوگا ‘ ۔
-
کرکٹ میں سیاست نہیں ہونی چاہیے،رضوان
کراچی(کنزیومر واچ نیوز)پاکستان سپر لیگ (پی ایس ایل) کی ٹیم ملتان سلطانز کے کپتان محمد رضوان کا کہنا ہے کہ کرکٹ میں سیاست نہیں ہونی چاہیے اور مجھے نہیں پتا پاکستان بھارت کا کیا ہورہا ہے، میں سوشل میڈیا نہیں دیکھتا۔لاہور میں میڈیا سے گفتگو کرتے ہوئے محمد رضوان نے کہا کہ ہم جب ویرات کوہلی اور جوروٹ سے ملتے ہیں تو ہم کرکٹ فیملی کی طرح ملتے ہیں، ان دونوں کھلاڑیوں سے سیکھتے ہیں اور ہم بھی انہیں بتاتے ہیں۔
-
ہانیہ عامر نے بھارتی میڈیا کے جھوٹ کا بھانڈا پھوڑ دیا
کراچی(کنزیومر واچ نیوز)پاکستان شوبز کی خوبرو اداکار ہانیہ عامر نے بھارتی میڈیا کے جھوٹ کا بھانڈا پھوڑ دیا۔معروف پاکستانی اداکارہ ہانیہ عامر نے حالیہ واقعات کے تناظر میں بھارتی میڈیا کی جانب سے اُن سے منسوب کیے گئے جھوٹے بیانات کی سختی سے تردید کرتے ہوئے ایک عوامی بیان جاری کیا ہے۔اپنے بیان میں اداکارہ نے واضح الفاظ میں کہا کہ اُن سے منسوب کیے جانے والے کسی بھی جملے یا رائے کا حقیقت سے کوئی تعلق نہیں، اور وہ ایسی کوئی بات نہیں کرتیں جو نفرت یا غلط فہمی کو جنم دے۔
-
پاکستان ایک ذمہ دار ملک ہے،امریکی نائب صدر جے ڈی وینس
واشنگٹن:(کنزیو مر واچ نیوز)امریکی نائب صدر جے ڈی وینس نے کہا ہے کہ پاکستان ایک ذمے دار ملک ہے اور ہم امید کرتے ہیں کہ بھارت پہلگام معاملے پر ایسے ردعمل سے گریز کرے گا جس سے خطے میں کوئی تنازع پیدا ہونے کا امکان ہو۔بین الاقوامی خبر رساں اداروں کے مطابق امریکا نے مقبوضہ کشمیر کے علاقے پہلگام میں حالیہ واقعے پر تشویش کا اظہار کرتے ہوئے امید ظاہر کی ہے کہ بھارت اس واقعے پر ایسا ردعمل نہیں دے گا جو پورے خطے کو کشیدگی کی لپیٹ میں لے آئے۔ انہوں نے کہا کہ پاکستان ایک ذمے دار ملک ہے اور وہ اس معاملے کی تحقیقات کے لیے تعاون پر تیار ہے۔
-
کراچی میں 4 سے 5 روز کے دوران بارش کا امکان ہے۔محکمہ موسمیات
کراچی(کنزیو مر واچ نیوز)محکمہ موسمیات کے مطابق کراچی میں 4 سے 5 روز کے دوران بارش کا امکان ہے۔ڈپٹی ڈائریکٹر محکمہ موسمیات انجم نذیرضیغم کے مطابق کراچی میں اچھی بارش کے امکانات ہیں۔ بارشوں سے متعلق صورتحال کل تک مزید کلیئر ہوجائے گی۔ڈپٹی ڈائریکٹر محکمہ موسمیات کا کہنا ہے کہ کراچی میں اچھی بارش کے امکانات ہیں، آنے والے 3سے 4روز کے دوران موسم گرم رہے گا۔ کراچی میں سمندری ہوائیں برقرار رہیں گی،نمی کاتناسب زیادہ رہے گا۔شہر میں نمی بڑھنے کی وجہ سے محسوس کیا جانے والا درجہ حرارت معمول سے زیادہ ہوگا، آنے والے دنوں میں زیادہ سے زیادہ درجہ حرارت34سے37 ڈگری کے درمیان رہے گا۔
-
لاہور میں گیس سلنڈر دھماکا، 3 بچوں سمیت 5 افراد جاں بحق
لاہور(کنزیو مر واچ نیوز)لاہور میں گیس فلنگ کی دکان میں سلنڈر پھٹنے سے 3 منزلہ گھر میں آگ لگ گئی، ایک ہی خاندان کے 3 بچے اور 2 خواتین جاں بحق ہوگئے، 7 افراد زخمی بھی ہوئے، حادثہ ایل پی جی گیس بھرنے کے دوران پیش آیا۔ایل پی جی گیس کی دکان میں سلنڈر پھٹنے کے باعث خوفناک دھماکا ہوگیا، واقعے میں 3 بچوں سمیت 5 افراد جاں بحق ہوگئے، 7 افراد زخمی بھی ہوئے۔
افسوسناک واقعہ لاہور کے علاقے راوی روڈ میں پیش آیا، 3 منزلہ گھر کے نچلے حصے میں ایل پی جی سلنڈر کی دکان میں ایل پی جی گیس بھرنے کے دوران دھماکا ہوا۔ -
پاک فوج کےشانہ بشانہ بھارت کیخلاف جنگ لڑوں گا،اداکار غلام محی الدین
کراچی (کنزیو مر واچ نیوز)معروف پاکستانی سینئر اداکار غلام محی الدین نے پاک بھارت کشیدگی پر اپنا مؤقف جاری کرتے ہوئے پاک فوج کی حمایت کا اعلان کیا ہے۔ ریلی سے خطاب کرتے ہوۓ اداکار غلام محی الدین نے پاکستان کے ساتھ اپنی والہانہ محبت کا اظہار کرتے ہوئے کہا کہ اگر ضرورت پڑی تو بارڈر پر جا کر پاک ارمی کے ساتھ لڑوں گا
-
سوشل میڈیا جہنم سے زیادہ بری جگہ ہے: علیزے شاہ
کراچی (کنزیو مرواچ نیوز)پاکستانی اداکارہ علیزے شاہ نے انکشاف کیا ہے کہ ان کی جانب سے انسٹاگرام کو کچھ عرصے کے لیے خیرباد کہنے کے بعد نیوز چینلز ان کے والدین کو فون کرکے ان کی موت سے متعلق پوچھا جو کافی تکلیف دہ تھا۔کچھ روز قبل اداکارہ نے انسٹاگرام سے کنارہ کرنے کا فیصلہ کیا تھا اور ساتھ ہی ایک اسٹوری بھی شیئر کی تھی جس میں انہوں نے سوشل میڈیا کو جہنم سے بھی زیادہ بری جگہ قرار دیا۔
-
پہلگام فالس فلیگ آپریشن میں بھارتی خفیہ ایجنسی ‘را’ ملوث نکلی، خفیہ دستاویزات لیک
سری نگر (کنزیو مر واچ نیوز)مقبوضہ کشمیر کے علاقے پہلگام کے سیاحتی مقام پر ہونے والے فالس فلیگ آپریشن میں بھارتی خفیہ ایجنسی ‘را’ کے ملوث ہونے کے دستاویزی ثبوت سامنے آگئے۔ بدنام زمانہ خفیہ ایجنسی را کی خفیہ مبینہ دستاویزکشمیری تنظیم ٹی آر ایف کی جانب سے جاری کی گئی ہیں جس میں را کے مبینہ لیک دستاویز میں پہلگام فالس فلیگ آپریشن کی مکمل منصوبہ بندی موجود ہےلیک ہونے والی دستاویزات میں سامنے آیا ہے کہ ضلع اننت ناگ میں ایک کارروائی عمل میں لائی جائے گی، میڈیا کو 36 سے 48 گھنٹے پہلے واقعےکی جگہ متحرک کیا جائےگا اور سیاحوں کی آمدورفت کی نگرانی کے بہانے فیلڈ آپریٹرز لگائے جائیں گے۔