اسلام آباد(کنزیومر واچ نیوز)قائمہ کمیٹی داخلہ نے مصطفیٰ عامر قتل کیس کی ہائی پروفائل انویسٹی گیشن کا مطالبہ کردیا اور کہا ہے کہ کیس میں اے این ایف، ایف آئی اے اور سائبر کرائم کو متحرک ہوجانا چاہیے۔کمیٹی میں مصطفیٰ عامر قتل کیس پر آئی جی سندھ کی بریفنگ کا معاملہ اٹھا۔ چیئرمین کمیٹی نے کہا کہ پہلے مصطفی عامر قتل کیس پر بریفنگ دی جائے۔ ایڈشنل سیکریٹری داخلہ نے کہا کہ کمیٹی نوٹس دیر سے موصول ہونے کی وجہ سے آج آئی جی سندھ نہیں آئے، آئندہ اجلاس تک بریفنگ کا وقت دیا جائے۔
Blog
-
ملک میں پولیو کے 2 نئے کیس رپورٹ
کراچی(کنزیومر واچ نیوز)ملک میں پولیو کے 2 نئے کیس رپورٹ،محکمہ صحت نے سندھ کے علاقے قمبر اور پنجاب کے منڈی بہاؤالدین میں پولیوکیسز کی تصدیق کردی۔محکمہ صحت کے مطابق سندھ میں رواں برس کا تیسرا اور پنجاب کا پہلا پولیو کیس سامنے آیا ہے،جس کے بعد ملک میں رواں سال پولیو کے مجموعی کیسز کی تعداد پانچ ہوگئی ہے۔واضح رہے کہ گزشتہ سال ملک میں پولیو کے 74 کیسز سامنے آئے تھے، ان کیسز میں بلوچستان سے 27، کے پی سے 22 اور سندھ سے 23 کیسز رپورٹ ہوئے تھے۔
-
عیدالفطر سے قبل مہنگائی میں اضافےکا خدشہ
اسلام آباد(کنزیومر واچ نیوز) وزارت خزانہ نے عیدالفطر سے قبل ملک میں مہنگائی میں اضافےکا خدشہ ظاہر کردیا، وزارت خزانہ کے مطابق مارچ میں مہنگائی کی شرح بڑھ کر 3 سے 4 فیصد تک ہوسکتی ہے۔وزارت خزانہ کا کہنا ہے کہ مارچ میں مہنگائی کی شرح 3 سے 4 فیصد تک ہوسکتی ہے، فروری میں مہنگائی 2 فیصد سے 3 فیصد تک متوقع ہے، جنوری2025میں مہنگائی 2.41فیصد ریکارڈ کی گئی تھی،جولائی تاجنوری کےدوران مہنگائی کی اوسط شرح 6.50 فیصد تھی۔
-
نائب ازبک وزیر دفاع کی جنرل ساحرشمشاد مرزا سے ملاقات
اسلام آباد(کنزیومر واچ نیوز) نائب ازبک وزیر دفاع اور کمانڈر ائیر ڈیفنس و ائیر فورس میجر جنرل بورخانوف احمد جمال نے چیئرمین جوائنٹ چیفس آف اسٹاف کمیٹی جنرل ساحرشمشاد مرزا سے ملاقات کی ہے۔پاک فوج کے شعبہ تعلقات عامہ (آئی ایس پی آر) کے مطابق چیئرمین جوائنٹ چیفس آف اسٹاف کمیٹی جنرل ساحرشمشاد مرزا اور معزز مہمان کی ملاقات راولپنڈی میں ہوئی۔ترجمان پاک فوج کے مطابق ملاقات میں باہمی دلچپسی کے امور اور علاقائی سیکیورٹی کی صورتحال پر تبادلہ خیال کیا گیا۔ ملاقات میں دونوں ممالک کے درمیان عکسری تعاون بڑھانے میں دلچسپی ظاہر کی گئی۔
-
تنخواہ دار طبقات کو بڑا ریلیف دینے کا فیصلہ
اسلام آباد(کنزیومر واچ نیوز)وفاقی حکومت نے تنخواہ دار اور کم آمدنی والے طبقات کو بڑا ریلیف دینے کا فیصلہ کرلیا۔میڈیا رپورٹ کے مطابق صدر مملکت نئے پارلیمانی سال کے آغاز پر 10 مارچ کو پارلیمنٹ کے مشترکہ اجلاس سے خطاب میں حکومت کی طرف سے اہم اعلانات کریں گے، جن کی یقین دہانی موجودہ حکومت کے دوسرے سالانہ بجٹ میں کرائی جائے گی۔
-
پیکاترمیمی ایکٹ سندھ ہائی کورٹ میں چیلنج
کراچی(کنزیومر واچ نیوز)صحافتی تنظیموں نےپیکاترمیمی ایکٹ کوسندھ ہائی کورٹ میں چیلنج کردیا،پیکاترمیمی ایکٹ کےخلاف صحافتی تنظیموں نےدرخواست دائرکردی۔درخواست میں موقف اختیارکیاگیاکہ پیکاترمیمی ایکٹ صحافتی فرائض پر جبری سنسرشپ اوربنیادی آئینی حقوق کی خلاف ورزی ہے،ترمیم شدہ پیکا ایکٹ آزادی اظہار رائے کے آئینی حق سےمحروم رکھتا ہے۔ درخواست میں مطالبہ کیاگیا پیکاترمیمی ایکٹ کےسیکشن کوکالعدم قراردیاجائے۔
-
میرےبیٹے کو پہلے ہی مجرم سمجھ لیا گیا،اداکار ساجد حسن
کراچی(کنزیومر واچ نیوز)معروف اداکار ساجد حسن نے اپنے بیٹے ساحر حسن کے مصطفیٰ عامر قتل کیس میں ملوث ہونے کے حوالے سے میڈیا سے بات کی ہے۔ساجد حسن کا کہنا ہے کہ ان کے بیٹے کو پہلے ہی مجرم سمجھ لیا گیا ہے، حالانکہ ابھی تک کوئی ثبوت سامنے نہیں آیا ہے۔ساجد حسن نے کہا کہ مصطفیٰ عامر کا قتل ایک المناک واقعہ ہے، اور مصطفیٰ کی والدہ کا ویڈیو پیغام سن کر وہ رات بھر سو نہیں سکے۔ انہوں نے زور دیا کہ مصطفیٰ بھی ان کے بیٹے جیسا تھا، اور وہ چاہتے ہیں کہ اس کیس کا منصفانہ ٹرائل ہو تاکہ اصل مجرموں کو سزا مل سکے۔
-
کپتانی کا جھگڑا قومی ٹیم کو لے ڈوبا،امام الحق نے بھانڈا پھوڑ دیا
کراچی(کنزیومر واچ نیوز)قومی ٹیم کے اوپنر امام الحق نے چیمپئینز ٹرافی سے باہر ہونے کی وجہ قومی ٹیم میں “کپتانی” کو لیکر جھگڑا قرار دیدیابھارتی میڈیا نے اپنی رپورٹس میں انکشاف کیا ہے کہ الٹرا ایج کیساتھ پوڈ کاسٹ میں گفتگو کرتے ہوئے میزبان نے اوپنر امام الحق سے سوال کیا کہ ٹیم کا کپتان کون ہے؟جس پر امام الحق ہنس پڑے، انکا کہنا تھا کہ ٹیم میں کپتانی کو لیکر جھگڑا چل رہا ہے، سب ایک دوسرے سے لڑرہے ہیں۔بعدازاں امام الحق نے بطور لیڈر محمد رضوان کا انتخاب کیا ۔
-
آئی سی سی رینکنگ، فخرزمان تین،رضوان کی چار درجہ تنزلی
اسلام آباد (کنزیومر واچ نیوز)آئی سی سی ون ڈے پلئیرز اور بولرز رینکنگ جاری کردی گئی،فخرزمان تین درجے تنزلی کے بعد 18 ویں، رضوان 4 درجے تنزلی کے بعد 20 نمبر پر چلے گئے۔آئی سی سی کی جانب سےون ڈے اورپلئیرزرینکنگ جاری کردی گئی،بھارت کے شھبمن گل ون ڈے بیٹرز کی رینکنگ میں پہلے نمبر پر براجمان ہیں،پاکستان کےبابراعظم دوسری پوزیشن جبکہ بھارت کےویرات کوہلی ایک درجے ترقی کے بعد 5 ویں نمبر پر آ گئے ۔
-
ازبکستان پاکستان کا قابل اعتماد شراکت دار ہے۔،شہباز شریف
اسلام آباد( کنزیومر واچ نیوز)وزیراعظم شہباز شریف نے کہا ہے کہ افغان عبوری حکومت اپنی سرزمین پاکستان کے خلاف استعمال ہونے سے روکے کیونکہ افغانستان میں امن و استحکام خطے کے مفاد میں ہے۔تاشقند میں ازبک صدر کے ساتھ مشترکہ پریس کانفرنس کرتے ہوئے وزیراعظم پاکستان شہباز شریف نے کہا کہ دورہ ازبکستان پر بہترین میزبانی پر مشکور ہوں، پاکستان اور ازبکستان کے درمیان مضبوط روابط قائم ہیں ازبکستان پاکستان کا قابل اعتماد شراکت دار ہے۔ دونوں ممالک کی خوشحالی اور ترقی ہمارا مشترکہ عزم ہے۔