Blog

اسلام آباد(ویب ڈیسک )پاکستان نے مسجدِ الاقصیٰ کی بے حرمتی کی شدید الفاظ میں مذمت کی ہے، ترجمان دفتر خارجہ نے ان قابلِ مذمت اقدامات کو بین الاقوامی قانون اور مقدس مقام کے تقدس وحرمت کی کھلی خلاف ورزی قرار دیا ، ترجمان نےکہا اس طرح کے اشتعال انگیز اقدامات خطے میں کشیدگی میں مزید اضافے کا باعث بن سکتے ہیں۔
ترجمان دفتر خارجہ نے مطالبہ کیا کہ مقدس مقامات کے تحفظ کے لیے تمام ممکنہ اقدامات کیے جائیں، ترجمان نے غیر قانونی آبادکاروں کو حاصل استثنا ختم کرنےکا بھی مطالبہ کیا۔
ترجمان کے مطابق پاکستان فلسطینی عوام کیساتھ اپنی مکمل یکجہتی کا اعادہ اور فلسطینی عوام کے حقِ عبادت کی بھرپور حمایت کرتا ہے۔

Disclaimer:
خبریں مستند ذرائع سے لی جاتی ہیں، غلطی کی صورت میں ادارہ ذمہ دار نہیں ہوگا
اے آئی یا انٹرٹینمنٹ مواد صرف تفریح کے لیے ہے۔

اسلام آباد (ویب ڈیسک )وفاقی وزیر اطلاعات و نشریات عطا تارڑ کا کہنا ہے پہلگام فالس فلیگ آپریشن کو ایک سال پورا ہو گیا لیکن بھارت آج تک آج تک اپنے موقف کے حق میں شواہد پیش نہیں کرسکا جو اس بات کا ثبوت ہے کہ پہلگام واقعہ فالس فلیگ آپریشن تھا۔
اسلام آباد میں پریس کانفرنس کرتے ہوئے عطا تارڑ کا کہنا تھا آج پہلگام فالس فلیگ آپریشن کا ایک سال ہوگیا ہے، لیکن بھارت پہلگام فالس فلیگ آپریشن پر سوالات کا تسلی بخش جواب نہیں دے سکا، محض 10 منٹ کے اندر ایف آئی آر کا اندراج متن پہلے سے تیار ہونے کی نشاندہی کرتا ہے۔
انہوں نے کہا کہ عالمی میڈیا، بھارتی سول سوسائٹی، سیاستدان، تھنک ٹینکس نے بھی پہلگام واقعہ پر سنجیدہ سوالات اٹھائے جبکہ بھارتی میڈیا کے پاس کوئی ٹھوس شواہد اور قابل اعتبار ثبوت نہیں تھے، بھارتی میڈیا محض من گھڑت بیانیے کو فروغ دیتا رہا، بھارتی میڈیا اپنے پروپیگنڈے کوسپورٹ کرنے میں کوئی مؤثر دلائل پیش نہیں کرسکا۔
ان کا کہنا تھا پہلگام واقعہ ایک جھوٹا، خود ساختہ آپریشن تھا جس کے حق میں بھارت کوئی قابلِ اعتبار شواہد پیش نہیں کر سکا اور نہ ہی ٹھوس ثبوت فراہم کیے، بھارتی میڈیا نے پروپیگنڈا ٹول کے طور پر جنگی ماحول پیدا کیا اور جھوٹی و بے بنیاد خبریں نشر کیں، بھارتی میڈیا کا مکروہ چہرہ پوری دنیا میں بے نقاب ہو گیا۔
وفاقی وزیر کا کہنا تھا بھارت کی کھوکھلی مکاری کھل کر سامنے آچکی ہے، کشمیر تسلیم شدہ بین الاقوامی مسئلہ ہے لیکن بھارت اسے داخلی معاملہ قرار دیتا ہے، بھارت اندرونی معاملات کو بیرونی جبکہ بیرونی معاملات کو اندرونی رنگ دے رہا ہے۔
انہوں نے کہا کہ بھارت میں مسلمانوں کو تشدد کا نشانہ بنایا جارہا ہے، بھارت میں ہندوتوا نظریئے سے اقلیتوں کے حقوق سلب کیے جا رہے ہیں، مختلف ممالک میں سکھ رہنماؤں کے قتل کے شواہد بھارتی ریاست کے ملوث ہونے کی نشاندہی کرتے ہیں۔
عطا تارڑ کا کہنا تھا بھارت دہشت گردی کو بطور ریاستی پالیسی استعمال کرتا ہے، بھارت عالمی سطح پر دہشت گردی جیسے واقعات میں ملوث رہا ہے، فتنہ الہندوستان بی ایل اے اورفتنہ الخوارج ٹی ٹی پی کے ذریعے پاکستان میں بدامنی کو فروغ دیا جا رہا ہے، پاکستان کے پاس دہشت گردی کے واقعات میں بھارت کےملوث ہونے کےناقابل تردید شواہد ہیں، جعفر ایکسپریس اور خضدار واقعے سمیت دہشت گردی کے دیگر واقعات میں بھارتی کردار کے ناقابل تردید شواہد ہیں، شواہد کا وقتاً فوقتاً بین الاقوامی برادری اور عالمی میڈیا کے ساتھ بھی تبادلہ کیا جاتا رہا ہے۔
ان کا کہنا ہے بھارت کو معرکہ حق کے دوران آپریشن بنیان مرصوص میں منہ کی کھانا پڑی، بھارت کو معرکہ حق کی طرح دہشت گردی کی پالیسی میں بھی ناکامی کا سامنا کرنا پڑے گا، یہی وجہ ہے کہ بھارتی حکومت آج تک اس معاملے پر مؤثر بیانیہ تشکیل دینے میں ناکام رہی ہے۔
وزیر اطلاعات نے کہا کہ بھارت کی ریاستی پالیسی دہشت گردی پر مبنی ہے، کلبھوشن یادیوکی گرفتاری کے بعد بھارت کی دہشت گردی پر مبنی پالیسی واضح بے نقاب ہوچکی، اس امر میں کوئی شک نہیں کہ بھارت پاکستان کے اندر دہشت گردی کے واقعات پاکستان دہشت گردی کے چیلنجز کا بھرپور مقابلہ کر رہا ہے۔
وفاقی وزیر کا یہ بھی کہنا تھا کہ پاکستان دہشت گردی کے خلاف نہ صرف پرعزم ہے بلکہ عملی طور پر اقدامات بھی جاری رکھے ہوئے ہے، پاکستان اپنی خودمختاری، وقار اور سلامتی پر کسی قسم کا سمجھوتہ نہیں کرے گا، دہشت گردی کے خاتمے کے لیے ہر ضروری اقدام جاری رکھا جائے گا، دہشت گردی کے خلاف پاکستان کی کامیاب کارروائیوں اور قربانیوں کو پوری دنیا دیکھ رہی ہے، پوری قوم اس عزم پر متفق ہے کہ ملک سے دہشت گردی کا مکمل خاتمہ کیاجائے گا، اگر بھارت نے کسی بھی قسم کی مہم جوئی کی تو اس کا فیصلہ کن جواب دیا جائے گا۔

Disclaimer:
خبریں مستند ذرائع سے لی جاتی ہیں، غلطی کی صورت میں ادارہ ذمہ دار نہیں ہوگا
اے آئی یا انٹرٹینمنٹ مواد صرف تفریح کے لیے ہے۔

اسلام آباد (ویب ڈیسک): امریکا سے مذاکرات کے لیے ایران کا اعلیٰ سطح وفد آج شام اسلام آباد پہنچے گا، وفد کی سربراہی اسپیکر پارلیمنٹ باقر قالیباف کریں گے۔ رپورٹ کے مطابق ایرانی وفد امریکا سے مذاکرات کے لیے منگل کی شام اسلام آباد پہنچے گا، اس سلسلے میں سخت حفاظتی انتظامات کیے گئے ہیں۔دوسری جانب امریکی نیوز چینل سی این این نے اپنی رپورٹ میں بتایا ہے کہ امریکی نائب صدر جے ڈی وینس مذاکرات کیلئے منگل کو واشنگٹن سے پاکستان کیلئے روانہ ہوں گے۔
سی این این کے مطابق امریکا اور ایران کے مذاکرات اسلام آباد میں بدھ کو ہوں گے، پاکستان کی جانب سے “اسلام آباد معاہدہ” ممکن بنانے کی ہرممکن کوششیں کی جارہی ہیں، ڈپٹی وزیر اعظم اسحاق ڈار نے ایرانی ہم منصب سے ٹیلی فونک رابطہ کیا ہے۔
ایرانی وفد اسلام آباد
حکومت پاکستان نے ایران امریکا مذاکرات کا انعقاد یقینی بنانے کے عزم کا اعادہ کیا ہے، محسن نقوی سے ملاقات میں امریکی اور ایرانی سفیروں نے پاکستان کے تعمیری کردار کی پذیرائی کی۔
Disclaimer:
خبریں مستند ذرائع سے لی جاتی ہیں، غلطی کی صورت میں ادارہ ذمہ دار نہیں ہوگا
اے آئی یا انٹرٹینمنٹ مواد صرف تفریح کے لیے ہے۔

اسلام آباد (ویب ڈیسک )امریکا اور ایران کے درمیان ہونے والے مذاکرات کے دوسرے ممکنہ دور کی تیاریوں کے سلسلے میں وفاقی دارالحکومت اسلام آباد میں سکیورٹی کے غیر معمولی انتظامات کیے گئے ہیں۔
راولپنڈی اور اسلام آباد کی مرکزی شاہراہوں پر پولیس، رینجرز، ایف سی اور دیگر قانون نافذ کرنے والے اداروں کے اہلکار تعینات ہیں، جگہ جگہ ناکوں پر سخت چیکنگ کی جا رہی ہے اور ریڈ زون کی جانب جانے والے راستے مکمل بند کر دیے گئے ہیں۔
کورال سے زیرو پوائنٹ تک ایکسپریس وے ہر قسم کی ٹریفک کے لیے بند ہے جبکہ سری نگر ہائی وے پر بھی مختلف اوقات میں ٹریفک روکی جاسکتی ہے۔
ٹریفک پولیس کا کہکنا ہے کہ جڑواں شہروں اسلام آباد اور راولپنڈی میں ہیوی، کمرشل اور پبلک ٹرانسپورٹ کا داخلہ ممنوع ہے، جی5،6،7، ایف 6،7 کے رہائشی راولپنڈی آنے جانے کے لیے مارگلہ روڈ سے نائنتھ ایونیو کا راستہ استعمال کریں۔
ٹریفک پولیس کے مطابق پارک روڈ سے کلب روڈ بند ہونے کی صورت میں ٹریفک ترامڑی چوک کی طرف موڑ دی جائے گی، تاہم مصروف کاروباری مرکز بلیو ایریا جزوی طور پر کھلا ہے۔
پولیس کا کہنا ہے ریڈ زون اور توسیعی ریڈ زون ہر قسم کی ٹریفک کیلیے مکمل بند رہے گا لیکن توسیعی ریڈزون کے باہر تمام دفاتر اور کاروباری مراکز کھلے ہیں۔
جڑواں شہروں میں چلنے والی میٹروبس سروس مکمل بند کردی گئی ہے اور آئندہ ہفتے تک جڑواں شہروں میں بیشتر تعلیمی اداروں میں کلاسز کو بھی آن لائن کر دیا گیا ہے۔
Disclaimer:
خبریں مستند ذرائع سے لی جاتی ہیں، غلطی کی صورت میں ادارہ ذمہ دار نہیں ہوگا
اے آئی یا انٹرٹینمنٹ مواد صرف تفریح کے لیے ہے۔